Stjórn Nýsis hf samþykkti á stjórnarfundi 5. apríl 2006, ársreikning samstæðunnar fyrir árið 2005.

 

Fastafjármunir námu í árslok 15.285 milljónum kr. og veltufjármunir 1.064 milljónum kr.  Eignir voru samtals 16.349 milljónir kr. Skuldir og skuldbindingar samstæðunnar námu 12.464 milljónum kr. og eigið fé í árslok er 3.885 milljónir kr. að meðtaldri hlutdeild minnihluta.  Velta samstæðunnar á árinu var 1.358 milljónir kr. og varð hagnaður af starfseminni sem nam samtals 1.623 milljónum kr.

 

Helstu lykiltölur úr samstæðuársreikningi  2005 eru birtar hér að neðan í þús. króna.:

 

	2005	2004
Rekstrarreikningur:
Rekstrartekjur	1.358.443	678.456
Matsbreyting fjárfestingareigna	1.934.582	793.205
Rekstrarkostnaður fjárfestingareigna	(100.957)	(39.771)
Annar rekstrarkostnaður	(485.449)	(164.281)
Rekstrarhagnaður	2.328.869	1.098.120
Fjármagnsliðir	(344.215)	(70.767)
Hlutdeild í afkomu hlutdeildarfélaga	(5.350)	5.396
Hagnaður af reglulegri starfsemi fyrir skatta	1.979.305	1.032.749
Reiknaður tekjuskattur	(355.946)	(188.834)
Hagnaður ársins	1.623.359	843.915
Skipting hagnaðar:
Hlutdeild hluthafa í Nýsi hf.	1.340.024	740.674
Hlutdeild minnihluta	283.335	103.241
Alls	1.623.359	843.915
Efnahagsreikningur:
Eignir:
Fastafjármunir	15.285.149	9.710.548
Veltufjármunir	1.063.842	284.992
Eignir samtals:	16.348.991	9.995.540
Eigið fé og skuldir:
Eigið fé	3.885.070	2.291.378
Langtímaskuldir	10.728.838	6.982.289
Skammtímaskuldir	1.735.083	721.874
Skuldir samtals:	12.463.921	7.704.163
Eigið fé og skuldir alls:	16.348.991	9.995.540
Kennitölur og sjóðstreymi:
Eiginfjárhlutfall	23,8%	22,9%
Veltufjárhlutfall	0,61	0,39
Veltufé frá rekstri:	101.582	91.097

 

Reksturinn á árinu 2005

Ársreikningur Nýsis hf er samstæðureikningur Nýsis hf og dótturfélaga.  Í árslok eru dótturfélögin Nýsir fasteignir hf, Fasteignastjórnun ehf. (Nýsir FM), Stofn fjárfestingarfélag ehf. og Nysir UK.

 

Dótturfélög Nýsis fasteigna ehf. eru (öll 100%): Grípir ehf., Þekkur ehf., Nýtak ehf., Iði ehf., Teknikum ehf., Engidalur ehf., Hafnarslóð ehf., Laugahús ehf., Borgarhöllin ehf. og Egilshöllin ehf.

 

Dótturfélög Stofns fjárfestingarfélags eru Artes (75%), Faxafen (50%), Hraðbraut (50%) og  Salus (50%) og Mostur ehf (50%).  Dótturfélag Mosturs ehf er Gránufélagið ehf.

 

Dótturfélag Nysir UK er NYOP Ruthin Limited.

 

Eru öll ofangreind félög innifalin í samstæðureikningnum.

 

Nýsir hf. er 50% eignaraðili að Eignarhaldsfélaginu Portus ehf. sem vann á árinu samkeppni um byggingu og rekstur tónlistar- og ráðstefnuhúss við austurhöfnina í Reykjavík, ásamt uppbyggingu á hóteli og fleiri mannvirkjum á svæðinu.

 

Á árinu var stofnað Fasteignafélagið Lækjarhlíð ehf. í eigu Nýsis hf. 50% og Mosfells­bæjar 50%.  Verkefni félagsins er eignarhald á Íþróttamiðstöð við Lækjarhlíð í Mosfells­bæ sem opnuð verður í ágúst 2006.

 

Í árslok  2005 var samþykkt kauptilboð Nýsis hf. í tvö fasteignafélög í Danmörku, þ.e. Jehl ApS Tietgens Have og Jehl Aps Atrium Huset.  Samningur um kaupin var undirritaður í febrúar á þessu ári.  Um er að ræða tvær fasteignir sem eru til samans um 62 þús. fermetrar.  Titigens Have er leigt danska ríkinu fyrir skatta- og tollyfirvöld en Atriumhuset er leigt ýmsum þjónustu­fyrirtækjum. Áformað er að auka leigutekjur þessara félaga og bjóða þeim og öðrum væntanlegum viðskiptavinum alhliða fasteignastjórnun, en stofnað verður sérstakt dótturfélag um fasteignastjórnun í Danmörku á árinu 2006.  

 

Í Bretlandi var stofnað vorið 2005 dótturfélag Nýsis hf.sem nefnist Nysir UK Limited.  Það félag stofnaði síðan fyrir árslok 2005 tvö félög, þ.e. NYOP Ruthin Limited sem er að fullu í eigu Nysir UK Limited og NYOP Education (Yorkshire) Limited sem er 49% í eigu Nysir UK Limited.  Félögin tvö eru verkefnisfélög um tvö einkafram­kvæmdarverkefni sem voru keypt á árinu, annað um ráðhús, skrifstofuhúsnæði o.fl. í Ruthin, Wales, alls 10 þús. ferm. og hitt um 4 skóla í Yorkshire, alls um 8 þús. ferm.  Gengið var að fullu frá samningum um Ruthin verkefnið í desember 2005 en um verkefnið í Yorkshire í janúar 2006.  NYOP Ruthin Limited er fært sem dótturfélag í efnahagsreikning í lok árs 2005 en NYOP Education (Yorkshire) Limited sem hlutdeildarfélag.

 

Dulheimar ehf. og Huliðsheimar-Vættabyggð ehf. eru félög sem Nýsir hf. gerðist hluthafi í á árinu og eru þau rekstrar­félag og fasteignafélag um væntanlegan skemmti- og fræðslustað þar sem forn heims­mynd germanskra manna (Ásatrú) verður gerð ljóslifandi með nútímatækni.

 

Mostur ehf. er félag sem stofnað var á árinu um upp­byggingu og þróun byggingarsvæða, kaup og sölu fasteigna og útleigu þeirra. Félagið er 50% í eigu Nýsis hf.  Mostur keypti á árinu SS leiguíbúðir ehf. á Akureyri og breytti nafni félagsins í Gránufélagið ehf. 

 

Í október 2005 var samþykkt samkomulag milli Nýsis hf. og Midi.is ehf.  Á grundvelli þess var stofnað félagið Miðakaup ehf. og á Nýsir 88% hlutafjárins en virkur eignarhluti Nýsis í Midi.is er 71%.

 

Austurbæjarbíó var keypt á árinu og er ætlunin að endurbyggja það og efla starfsemina í húsinu. 

 

Breytingar á reikningsskilaaðferðum

 

Ársreikningur samstæðu Nýsis hf er gerður í samræmi við lög um ársreikninga.  Frá og með árinu 2007 mun félagið taka um alþjóðlega reikningsskilastaðla.  Undirbúningur félagsins vegna þess er hafinn en áætlað er að breytingar vegna þess á afkomu og efnahag verði ekki verulegar þar sem félagið metur fjárfestingareignir sínar á gangvirði með svipuðum hætti og krafist er í alþjóðlegum reikningsskilastaðli nr. 40 um fjárfestingareignir (IAS 40).  Framsetning reikningsskila mun hins vegar að einhverju leyti breytast við upptöku alþjóðlegu staðlanna.

 

Framtíðaráform

 

Félagið hefur tekist á hendur aukin verkefni á sviði einkaframkvæmdar, fjárfestinga í fasteignum, fasteignastjórnunar og rekstrarverktöku, bæði innanlands og erlendis. Nýlega voru stofnuð dóttur­fyrirtæki Nýsis í Danmörku og á Möltu vegna aukinna umsvifa þar.  Í farvatninu eru ný verkefni í Bretlandi.  Stefna stjórnenda félagsins er að auka enn frekar fjárfestingar og umsvif félagsins erlendis.

 

Innanlands verður stæsta verkefni félagsins á næstu árum uppbygging tónlistar- og ráðstefnu­húss, hótels og fleiri mannvirkja við austurhöfnina í Reykjavík.  Hafin er stækkun Egilshallar sem mun efla hana sem miðstöð íþrótta og afþreyingar fyrir norðurhluta höfuðborgarsvæðisins.  Á árinu 2006 verður tekin í notkun ný leikskólabygging á Sjálandi í Garðabæ, ný íþróttamiðstöð við Lækjarhlíð í Mosfellsbæ og nýtt skrifstofuhúsnæði fyrir félagið að Reykjavíkurvegi 74, Hafnarfirði. Unnið verður að öflun fleiri verkefna innanlands og erlendis og gerðir hafa verið samningar um frekari fjárfestingar í fasteignum og uppbyggingu á landsvæðum, m.a. fyrir frístundahús.

 

Áætluð velta Nýsis hf og dótturfélaga á árinu 2006 mun verða 2,5-3,0 milljarðar króna.

 

Nánari upplýsingar veitir Sigfús Jónsson, framkvæmdarstjóri félagsins í síma 899-7802 eða 540-6380.