Hagnaður af rekstri ÍAV hf. árið 2005 að teknu tilliti til skatta nam 729 milljónum króna.

 

EBITDA  1.259 milljónir króna og veltufé frá rekstri 1.199 milljónir króna.

 

Á stjórnarfundi Íslenskra aðalverktaka hf. þann 30. mars 2006 var ársreikningur fyrir árið 2005 staðfestur.  Ársreikningur Íslenskra aðalverktaka hf. hefur að geyma samstæðureikning félagsins og dótturfélaga þess.

 

	Helstu tölur úr ársreikningi 2005   ( í þús. kr. )
		S A M S T Æ Ð A
	2005	2004	2003	2002	2001
Rekstrarreikningur
Rekstrartekjur	10.498.760	8.749.374	7.747.462	7.947.227	8.559.005
Rekstrargjöld	(9.240.258)	(7.932.674)	(7.115.869)	(7.425.333)	(7.543.368)
Hagnaður fyrir afskriftir	1.258.502	816.700	631.593	521.894	1.015.637
Afskriftir	(278.940)	(275.954)	(317.163)	(300.650)	(309.368)
Hagnaður fyrir fjármunatekjur og (fjármagnsgjöld)	979.562	540.746	314.430	221.244	706.269
Fjármunatekjur og (fjármagnsgjöld)	(90.744)	(116.206)	463.478	36.224	(628.918)
Hagnaður fyrir áhrifa hlutdeildarfélaga	888.818	424.540	777.908	257.468	77.351
Hagnaður af rekstri hlutdeildarfélags	0	0	17.707	89.358	24.998
Hagnaður fyrir skatta	888.818	424.540	795.615	346.826	102.349
Reiknaður tekju- og eignarskattur	(160.113)	(72.921)	(133.419)	(76.127)	79.441
Hagnaður ársins	728.705	351.619	662.196	270.699	181.790
Efnahagsreikningur
Eignir:
Fastafjármunir	3.092.204	1.711.239	6.110.006	3.601.463	3.634.369
Veltufjármunir	5.563.610	6.807.466	6.928.829	5.227.996	4.639.987
Eignir alls	8.655.814	8.518.705	13.038.835	8.829.459	8.274.356
Eigið fé:
Eigið fé samtals	2.862.910	3.124.204	7.010.591	3.309.063	3.094.681
Skuldir:
Skuldbindingar	512.449	434.300	1.106.893	327.029	244.426
Langtímaskuldir	1.703.048	2.926.533	3.612.244	2.380.214	2.281.402
Skammtímaskuldir	3.577.407	2.033.668	1.309.107	2.813.153	2.653.847
Skuldir samtals	5.792.904	5.394.501	6.028.244	5.520.396	5.179.675
Skuldir og eigið fé samtals	8.655.814	8.518.705	13.038.835	8.829.459	8.274.356
Kennitölur
Veltufé frá rekstri	1.199.516	566.985	507.517	551.472	666.003
Handbært fé frá rekstri (til rekstrar)	546.276	1.064.909	1.841.819	(421.730)	(309.969)
Fjárfestingar í fastafjármunum	1.683.694	424.667	(1.409.388)	251.680	149.887
Veltufjárhlutfall	1,56	3,35	5,29	1,86	1,75
Eiginfjárhlutfall	33,1%	36,7%	53,8%	37,5%	37,4%
Innra virði	2,16	2,36	5,30	2,50	2,34
Afkoma á hverja krónu nafnverðs	0,55	0,27	0,50	0,20	0,14
Ávöxtun eigin fjár	24,6%	6,5%	19,8%	8,8%	6,0%
Meðalfjöldi starfsmanna	448	458	496	484	643

 

 

Rekstur á árinu 2005

Rekstrartekjur samstæðu Íslenskra aðalverktaka hf. námu 10.498 milljónum króna á árinu 2005.  Rekstrarhagnaður fyrir fjármagnsliði, skatta og afskriftir (EBITDA) var 1.259 milljónir króna. 

Afskriftir ársins námu 279 milljónir króna.  Rekstrarhagnaður fyrir fjármagnsliði og skatta nam 980 milljónum króna á árinu.  Hagnaður félagsins fyrir skatta, að teknu tilliti til fjármagnsliða nam 889 milljónum króna, en fjármagnsliðir voru nettó neikvæðir um 91 milljónir króna.  Að teknu tilliti til reiknaðra skatta nam hagnaður félagsins 729 milljónum króna á árinu 2005.

 

Efnahagur

Heildareignir Íslenskra aðalverktaka hf. og dótturfélaga námu 8.656 milljónum króna í lok desember  2005.  Heildarskuldir samstæðunnar voru 5.793 milljónir króna og bókfært eigið fé þann 31. desember 2005 var 2.863 milljónir króna.  Eiginfjárhlutfall var því 33%. 

 

Sjóðstreymi

Veltufé samstæðu Íslenskra aðalverktaka hf. frá rekstri á árinu 2005 var 1.199 milljónir króna.  Handbært fé í lok desember 2005 var 198 milljónir króna og veltufjárhlutfall var 1,56.

 

Starfsemi ÍAV árið 2005 / framtíðarhorfur

Vel gekk að afla félaginu nýrra verkefna á árinu 2005 auk þess sem áfram var haldið með verkefni frá fyrra ári.  Talsverð aukning var á íbúðabyggingum félagsins og gekk félaginu einnig vel að afla verka á tilboðsmarkaði.

 

Á undanförnum árum hafa verkefni félagsins í varnarstöðinni á Keflavíkurflugvelli farið minnkandi á sama tíma og verkefni á almennum verktakamarkaði hafa margfaldast.  Á árinu 2005 var framlegð rekstrar af starfsemi félagsins innan varnarsvæða einungis um 3% af heildarframlegð félagsins.  Nú liggur fyrir að varnarstöðinni á Keflavíkurflugvelli verður væntanlega að mestu lokað síðar á árinu en jafnframt er ljóst að það hefur óveruleg, ef nokkur áhrif á rekstur ÍAV og eru engar uppsagnir starfsmanna vegna þeirra breytinga fyrirsjáanlegar.

 

Hjá Íslenskum aðalverktökum hf. og dótturfélögum þess störfuðu að meðaltali  448 starfsmenn á árinu 2005 auk starfsmanna undirverktaka sem skipta hundruðum.

 

Stjórnendur ÍAV sjá veruleg og áhugaverð tækifæri á næstu árum til áframhaldandi sóknar og aukinna umsvifa í starfsemi félagsins og fjölþættingar á rekstri.  Félagið hefur yfir að ráða fjölmörgum byggingarlóðum og skapar það félaginu áhugaverð verkefni í nánustu framtíð.  Sala á íbúðahúsnæði hefur gengið vel það sem  af er ári 2006.  Þá hefur félaginu einnig gengið vel að afla sér nýrra verkefna á tilboðsmarkaði það sem af er ári 2006 og ber þar hæst byggingu Tónlistar- og ráðstefnuhúss við Reykjavíkurhöfn og tengdra bygginga, en á næstu 4-6 árum verður bylting í uppbyggingu miðborgar Reykjavíkur og þar verður ÍAV í forystu um verklegar framkvæmdir.

 

ÍAV hf. vinnur, auk þess sem að framan er talið, að fjölda áhugaverðra stórverkefna bæði sem verktaki fyrir aðra en einnig við uppbyggingu á atvinnu- og íbúðarsvæðum fyrir eigin reikning til endursölu og/eða útleigu.

 

 

Nánari upplýsingar:

Gunnar Sverrisson – forstjóri  s: 530 4200