Hluthafafundur Hlutabréfasjóðs Búnaðarbankans hf. var haldinn þann 28. desember 2004 í Borgartúni 19, 105 Reykjavík.

 

 Samþykkt var eftirfarandi tillaga stjórnar á fundinum:

 

“Stjórn Hlutabréfasjóðs Búnaðarbankans hf. leggur til að Hlutabréfasjóðurinn verði sameinaður Rekstrarfélagi Kaupþings Búnaðarbanka hf. með yfirtöku eigna og skulda sbr. XIV. kafla laga nr. 2/1995 um hlutafélög og XII. kafla laga nr. 161/2002 um fjármálafyrirtæki, sbr. einnig ákvæði VIII til bráðabirgða í lögum nr. 90/2003 um tekjuskatt og eignarskatt. Við samrunann fá hluthafar Hlutabréfasjóðs Búnaðarbankans hf.  hlutdeildarskírteini í fjárfestingarsjóðnum KB Samval í skiptum fyrir hluti sína. KB Samval er fjárfestingarsjóður sem sérstaklega er stofnaður af Rekstrafélagi Kaupþings Búnaðarbanka hf., samkvæmt lögum nr. 30/2003 um verðbréfasjóði og fjárfestingarsjóði, vegna samrunans.  Við samrunann fá hluthafar Hlutabréfasjóðs Búnaðarbankans hf. afhent eina einingu í fjárfestingarsjóðnum KB samval í skiptum fyrir hverja krónu nafnverðs sem hluthafar eiga í Hlutabréfasjóði Búnaðarbankans hf. Um samrunann fer að öðru leyti samkvæmt samrunaáætlun sem stjórnir félaganna hafa samþykkt. Samruninn er gerður með fyrirvara um samþykki Fjármálaeftirlitsins.”

 

Óskað verður eftir afskráningu Hlutabréfasjóðs Búnaðarbankans á Kauphöll Íslands þegar samþykki Fjármálaeftirlitsins liggur fyrir.