Stjórnir Burðaráss hf. og Kaldbaks hf. hafa undirritað sameiginlega áætlun um samruna félaganna. Fyrirhugað er að samruninn miðist við 1. október 2004 og tekur Burðarás hf. við öllum rekstri, eignum og skuldum, réttindum og skyldum Kaldbaks hf. frá þeim tíma.

Hluthafar Kaldbaks hf. fá 0,637841438 hluti í Burðarási hf. fyrir hvern 1 hlut í Kaldbaki hf.

 

Samrunaáætlun er birt í Lögbirtingablaðinu í dag, þann 15. október 2004. Samrunagögn liggja einnig frammi hjá báðum félögum, auk þess sem þau eru meðfylgjandi þessari tilkynningu í fréttakerfi Kauphallarinnar.

 

Samruninn verður lagður fyrir hluthafafund Kaldbaks hf., sem haldinn verður í fyrsta lagi einum mánuði eftir birtingu samrunaáætlunarinnar, en dagsetning hluthafafundarins verður auglýst síðar.