Líftæknisjóðurinn hf  - ársuppgjör 2003.

 

• Tap til lækkunar á eigin fé Líftæknisjóðsins hf var 83,2 milljónir króna samanborið við 507,4 milljón króna tap árið á 2002.
• Innleyst tap tímabilsins var 104, 3 milljónir króna samanborið við 121,1  milljóna króna tap árið 2002.
• Óinnleystur gengishagnaður ársins 2003 var 21 milljónir króna samanborið við 386,3 milljón króna tap árið 2002.  
• Heildareignir Líftæknisjóðsins hf, voru 607.5 milljónir króna í lok ársins en voru 667,3 í ársbyrjun.
• Eigið fé Líftæknisjóðsins hf var 497 milljónir króna í lok árs en var 494,5 milljónir króna  í ársbyrjun.

 

Helstu kennitölur:

 

	2003		2002
Rekstratekjur	-84.197.964		-96.727.355
Rekstrargjöld	20.058.268		24.411.358
Innleyst tap tímabils	-104.256.232		-121.138.713
Óinnleystur gengishagnaður (-tap)	21.010.721		-386.338.072
Tap flutt á eigið fé	-83.245.511		-507.476.785
Hlutabréfaeign	554.897.800		654.202.969
Kröfur	51.604.020		11.862.993
Aðrar eignir	961.682		1.265.410
Eignir samtals	607.463.502		667.331.372
Eigið fé	496.986.214		494.555.893
Skuldir	110.477.288		172.775.479
Skuldir og eigið fé	607.463.502		667.331.372
Handbært fé	790.249		1.004.534
Tap á hverja krónu nafnverðs	- 0.49
Innra virði	2.91
Eiginfjárhlutfall	82%

 

 

Almennt um uppgjörið.

 

Eignarhlutir félagsins í óskráðum félögum, sem að stærstum hluta eru erlend, eru sem fyrr metnir miðað við kaupverð í erlendri mynt að teknu tilliti til gengisbreytinga. Í lok árs 2001 var færð til lækkunar á bókfærðu verði eignarhluta 800 milljóna kr. niðurfærsla og stóð hún óbreitt fram yfir 9 mánaða uppgjör 2003. Í ársreikningi fyrir 2003 var niðurfærslan lækkuð um 150 milljónir króna og stendur hún í 650 milljónum króna í lok árs 2003. Þess ber að geta að verðmat óskráðra eigna verður ávallt erfitt enda er áhætta þeirra fjárfestinga oft á tíðum mikil.

 

Helstu ástæðurnar fyrir því að niðurfærslan var færð til baka um 150 milljónir á fjórða ársfjórðungi 2003 voru meðal annarra aukið vægi niðurfærslunnar á eignasafn félagsins vegna styrkingar  krónunnar gagnvart öðrum myntum og hækkandi gengi skráðra líftæknifyrirtækja á markaði. Í þessu sambandi má geta þess að í ársuppgjöri fyrir árið 2001 nam 800 milljóna króna niðurfærslan 52.7% af óskráðu erlendu eignasafni félagsins, sú tala var komin í 63.1% í 9 mánaða uppgjöri 2003 og í ársuppgjöri ársins 2003 er 650 milljóna króna niðurfærslan 54.8% af óskráðu erlendu eignasafni félagsins, sem er hærra hlutfall en var í upphafi.

Megin ástæðan fyrir því að niðurfærslan var færð í 650 milljónir króna er þó fyrst og fremst jákvæðir áfangar og væntingar um góðan árangur í rekstri helstu fyrirtækjanna í eignasafni félagsins.

 

BioStratum Inc, sem er stærsta  eign félagsins, kynnti, á árinu, góðar niðurstöður úr prófunum á tilraunalyfinu Pyridorin, sbr. fréttatilkynningar frá Líftæknisjóðnum hf þann 25. júní og 29. desember. Í framhaldi af því hafa viðræður við lyfjafyrirtæki um áframhaldandi klínískar prófanir (Fasi III) og markaðssetningu á Pyridorin, eftir að skráningaferlinu lýkur, færst yfir á nýtt stig og eru viðræður um innihald samnings (Term sheet discussions) í gangi þessar vikurnar. Þó ber að hafa í huga að þrátt fyrir góðar Fasa IIb niðurstöður og áhuga lyfjafyrirtækja þá er allskostar óvíst hvort þessar viðræður komi til með að skila BioStratum tilætluðum árangri.

 

Auk þessa samdi BioStratum við danska lyfjafyrirtækið Novo Nordisk AS um áframhaldandi vinnu við tilraunalyf gegn krabbameinum, þróað af Karli Tryggvasyni og samstarfsfólki hans hjá Karolinska Institutet í Stokkhólmi. Lyfið er í forklínískum fasa, en auk þess að greiða allan beinan kostnað við þróun lyfsins mun Novo Nordisk greiða BioStratum samtals um það bil 80 milljónir bandaríkjadali í áfangagreiðslur fyrir hverja afurð sem sú vinna mun skila af sér ásamt hlutfalli af sölu nái lyfið á markað.

 

Á árinu urðu miklar breytingar á rekstri Prokaria, sem er önnur stærsta eign Líftæknisjóðsins hf. Mikið aðhald var í rekstri félagsins, auk þess sem tekjurnar jukust verulega miðað við árið 2002, og í ljósi fyrirliggjandi samninga munu þær halda áfram að vaxa verulega árið 2004.

Sá þáttur sem hefur vaxið hvað hraðast í rekstri Prokaria er sala á erfðagreiningaþjónustu sem tengist samningi sem Prokaria gerði við Stofnfisk um að Prokaria annist allar erfðagreiningar í laxi fyrir Stofnfisk og samstarfsaðila þeirra vegna kynbóta- og ráðgjafaverkefna í fiskeldi.

Auk þess hefur Prokaria náð nokkrum mjög mikilvægum samstarfssamningum við erlend fyrirtæki og ber þar hæðst rannsóknasamningur við Nestlé, stærsta fæðuvörufyrirtæki í heimi.

Þrátt fyrir þetta ber að hafa í huga að mikið hefur gengið á eigið fé félagsins og halda verður vel á spöðunum til að ná markmiði félagsins um jafnvægi í rekstri fyrir mitt ár 2005.

 

Til viðbótar við það sem að framan hefur verið sagt vilja stjórnendur Líftæknisjóðsins hf enn sem fyrr benda á að fjárfesting í lyfja-, líftækni- og erfðatæknifyrirtækjum er almennt afar áhættusöm og þrátt fyrir að þeir hafi trú á að eignir félagsins komi til með að skila ávinningi, þá beri að skoða þær og almenna starfsemi félagsins með tilliti til þess. Auk þess má geta að Líftæknisjóðurinn hf, hefur fjárfest í tiltölulega fáum fyrirtækjum sem gerir áhættuna enn meiri.

 

Skattinneign félagsins er reiknuð en ekki færð í árshlutareikninginn vegna óvissu um nýtingu hennar í framtíðinni.  Útreikningurinn byggist á óinn­leystum gengismun hlutabréfa og mismun efnahagsliða samkvæmt skattuppgjöri annars vegar og árshlutareikningi félagsins hins vegar. Reiknuð skattinneign í lok tímabilsins nemur 196,9 milljónum króna.

 

Kröfur upp á 51.6 milljónir króna koma til vegna brúarláns til BioStratum Inc. og vegna uppgjöra í tengslum við hlutafjárútboð félagsins. Óinnheimt hlutafjárloforð í árslok 2003 námu 8,8 millj. kr. Ágreiningur var um nokkurn hluta loforðanna og var þeim ágreiningi vísað til dómstóla. Héraðsdómur Reykjavíkur kvað upp dóm 2. apríl 2003, þar sem hluthafi var dæmdur til að greiða hlutafjárloforð sitt. Hæstiréttur staðfesti dóminn 6. nóvember 2003.

 

Nánari upplýsingar veitir Jón Ingi Benediktsson framkvæmdastjóri félagsins í síma 5173280.