Shell Petroleum Company Ltd. sem verið hefur eigandi að 20,69% eignarhlut í Skeljungi hf. hefur í dag selt hlut sinn í félaginu. Kaupendur eignarhlutans eru Sjóvá Almennar tryggingar hf. og Burðarás ehf.

 

Skeljungur hf. og þar áður HF Shell á Íslandi hafa átt gott samstarf um markaðssetningu á vörumerkjum Shell samsteypunnar hér á landi síðast liðin 75 ár. Skeljungur hf. verður hér eftir sem hingað til dreifingaraðili fyrir Shell vörur á Íslandi og mun halda áfram margvíslegu samstarfi við Shell samsteypuna. meðal annars um vetnisverkefnið sem nú er unnið að.

 

Shell samsteypan hefur verið minnihlutaeigandi í Skeljungi undanfarin ár. Sala Shell á á hlutabréfum í Skeljungi er liður í eignastýringu samsteypunnar sem er til sífelldrar skoðunar og hafa eigendaskiptin ekki áhrif á stefnu eða starfsmannahald Skeljungs.

 

 

 

Nánari upplýsingar veitir: Benedikt Jóhannesson stjórnarformaður Skeljungs hf.

sími  512 7575