Ársreikningur Bæjarsjóðs Akraness var staðfestur í bæjarstjórn Akraness þann 28. maí s.l. en þá fór fram síðari umræða um ársreikninginn. Samkvæmt lögum ber að fjalla um ársreikninginn á tveimur fundum og var fyrri umræða þann 14. maí 2002.

 

Bæjarsjóður:

 

Fjármagnsyfirlit

 

   Helstu niðurstöðutölur úr fjármagnsyfirliti bæjarsjóðs eru þessar í þúsundum króna:

 

	2001	Áætlun
Skatttekjur	1.218.030	1.159.454
Tekjur málaflokka	287.011	259.026
Rekstrargjöld	-1.481.076	-1.268.843
Skatttekjur að frádr. rekstri málafl.	23.965	149.637
Vextir af hreinu veltufé	34.868	31.045
Greiðslubyrði lána samtals	-137.056	-142.023
Fjárfesting samtals	-363.646	-286.931
Greiðsluafkoma ársins	-441.869	-248.272
Lantöka og aðrir liðir	277.246	248.272
(Lækkun) á hreinu veltufé	-164.623	-0

 

Skatttekjur ársins 2001 voru um 180 millj. kr. hærri en árið áður eða um 17,3% sem skýrist af góður atvinnuástandi og fjölgun íbúa. Í samanburði við fjárhasgáætlun reyndust skatttekjurnar 58,5 mkr. hærri en áætlað var, eða um 5%. Megin frávikið er vegna framlags Jöfnunarsjóðs til reksturs grunnskólanna eða 26,4 mkr.  Jafnframt voru önnur framlög Jöfnunarsjóðs 6.5 mkr. hærri en ráðgert var.  Útsvarstekjur voru 16,5 mkr. hærri en ráðgert var.   

 

Á árinu 2001 voru í starfi hjá bæjarsjóði 466 starfsmenn sem skiluðu 265 ársverkum. Launagjöld eru hæðsti einstaki útgjaldaliðurinn í rekstri málaflokka eða um 937 millj. kr. eða um 77% af skatttekjum. Launagjöld fóru  um 133 millj. umfram áætlun eða um 16,6% sem skýrist fyrst of fremst af hækkun áfallinar lífeyrisskuldbindingar Þau  jukust um 287,3 millj. kr. frá árinu áður eða um 44%. Almennar launahækkanir á árinu 2001 byggjast á kjarasamningum launanefndar sveitarfélaga og stéttarfélaga viðkomandi starfsmanna, sem flestir voru gerðir í lok árs 2000 og á árinu 2001.. 

 

Á árinu var varið um 469 millj. kr. til fjárfestinga, þar af fóru u  273 millj.kr .til fræðslumála (einsetning grunnskóla) og um 75 millj. kr. til umferðarmála. Fjárfesting var um 76 millj. kr. meiri en áætlun gerði ráð fyrir sem skýrist m.a. af  hraðari framkvæmdum við einsetningu grunnskóla.

 

 

 

 

 

 

 

Efnahagsreikningur:

   Helstu niðurstöðutölur efnahagsreiknings bæjarsjóðs eru þessar í þúsundum króna:

 

Efnahagsreikningur 31. desember 2001

	2001	2000
Veltufjármunir	237.093	290.975
Langtímakröfur	23.401	26.044
Peningalegar eignir	260.494	317.019
Skammtímaskuldir	358.382	247.641
Langtímaskuldir	844.020	723.532
Skuldir samtals	1.202.402	971.173
Peningaleg staða án lífeyrissskuldb.	-941.908	-654.154
Lífeyrisskuldbinding	699.907	547.316
Peningaleg staða með lífeyrissskuldb.	-1.641.815	-1.201.470
Aðrir liðir
Fastafjármunir	1.456.230	1.024.458
Eiginfjárreikningur	185.585	177.012
Aðrir liðir samtals	1.641.815	1.201.470

 

 Þriggja ára áætlun gerir ráð fyrir að sjóðstaða (handbært fé) sveitarfélagsins muni hækka samtals um100 millj. kr. fram til ársins 2005 og að niðurgreiðsla langtímaskulda verði um 250 millj. kr. umfram nýjar lántökur.

 

 Nýjar reglur um bókhald og framsetningu ársreikninga sveitarfélaga tóku gildi frá og með ársbyrjun 2002 en þær taka í ríkari mæli mið af almennum reikningsskilavenjum fyrirtækja en áður var. Fjárhagsáætlun Akraneskaupstaðar fyrir árið 2002 var samnin samkvæmt nýju reglunum og árshlutareikningar 2002 birtir samkvæmt þeim.  

  Tilgangur breytinganna er að ná fram skýrari mynd af fjárhagslegri stöðu sveitarfélaga og gera allan samanburð milli sveitarfélaga auðveldari, auk þess að samanburður við þjónustu aðila á almennum markaði verður mögulegur.

   Ein viðamesta breytingin með nýjum reikningsskilum sveitarfélaga er stofnun eignasjóða sveitarfélaga. Frá 1. janúar 2002 ber sveitarfélögum að eignfæra varanlega rekstrarfjármuni samkvæmt almennum reikningsskilaaðferðum, þ.e. endurmeta og afskrifa eignirnar í samræmi við áætlaðan endingartíma. Þetta leiðir til verulegra hækkana í rekstri einstakra málaflokka án þess þó að til hafi orðið nýr kostnaður í rekstri bæjarfélagsins. Með þessu móti verður kostnaður vegna reksturs eigna mun sýnilegri þar sem hann færist á viðkomandi málaflokk með innri leigu.