Markaðsfréttir
  Útgefendur
  Fréttaflokkar
  Leit
  Vefur Kauphallar
  English version
    
Prentvæn útgáfa
Viðskiptatíma í Kauphöllinni breytt 26. mars   22.2.2007 16:02:17
Flokkur: Tilkynningar frá Kauphöllinni      Íslenska  English
Kauphöllin hefur ákveðið að frá og með 26

Viðskiptatíma í Kauphöllinni breytt 26. mars – Lokunartími verður sá sami og í kauphöllunum í Stokkhólmi og Helsinki

 

Kauphöllin hefur ákveðið að frá og með 26. mars nk. verði mörkuðum hennar lokað á sama tíma og hlutabréfamörkuðunum í Stokkhólmi og Helsinki eða laust fyrir kl. 17:30 að Mið-Evróputíma. Breytingin er hluti af aukinni samræmingu í viðskiptaumhverfi kauphallanna innan OMX samstæðunnar til hagræðis fyrir fjárfesta. Fastur lokunartími að Mið-Evróputíma þýðir að lokunartími að staðartíma breytist á milli sumars og vetrar. Að staðartíma munu markaðir Kauphallarinnar loka um hálftíma fyrr en nú er (15:30) á sumrin en um hálftíma síðar (16:30) á veturna. Viðskipti í Kauphöllinni munu hins vegar hefjast á sama tíma og nú. Samfelld viðskipti hefjast því eftir sem áður kl. 10 að staðartíma. Eftir breytinguna verður viðskiptatími í Kauphöllinni því sem hér segir:

 

 

Staðartími

Mið-Evróputími

 

Sumar

Vetur

Sumar

Vetur

Forviðskiptatímabil

08:00

08:00

10:00

09:00

Opnunaruppboð

09:45

09:45

11:45

10:45

Samfelld viðskipti

10:00

10:00

12:00

11:00

Lokunaruppboð

15:20

16:20

17:20

17:20

Lok viðskipta

15:23

16:23

17:23

17:23

Eftirviðskiptatímabil

15:40

16:40

17:40

17:40

Lokað

16:00

17:00

18:00

18:00

 

„Það er ánægjulegt að kynna þessa breytingu nú þegar samþætting Kauphallarinnar við OMX er að komast á lokastig og styttist í að skráð félög verði kynnt með öðrum félögum í Nordic Exchange. Kauphöllin hefur lengi lagt áherslu á samræmingu við aðra markaði innan OMX og samstilltur lokunartími er enn eitt skrefið sem auðveldar aðgengi að íslenska markaðnum,“ segir Þórður Friðjónsson, forstjóri Kauphallarinnar, um breytinguna.

 

Ofangreind breyting á lokunartíma fékk afgerandi stuðning í könnun sem Kauphöllin gerði meðal kauphallaraðila. Kauphallaraðilar sem standa að baki um 90% viðskipta studdu hana og sumir vildu jafnvel ganga enn lengra og breyta upphafstíma viðskipta þannig að hann yrði ávallt hinn sami að Mið-Evróputíma. Hljómgrunnur fyrir breytingu á upphafstíma viðskipta reyndist þó ekki nægur til að réttlæta slíka breytingu að sinni.

 

Kauphöllin álítur þessa breytingu til heilla fyrir markaðinn. Í inngöngu Kauphallarinnar í OMX felast tækifæri fyrir útgefendur og kauphallaraðila. Sýnileiki eykst til muna og reikna má með auknum áhuga erlendra fjárfesta. Aukið samræmi í viðskiptaumhverfi Kauphallarinnar og annarra kauphalla innan OMX, þannig að sama umhverfi blasi við markaðsaðilum hvar sem þeir vilja eiga viðskipti, sýnir að íslenski markaðurinn er í reynd hluti af stærra markaðssvæði og þannig er erlendum fjárfestum auðvelduð aðkoma að markaðnum.

 

 

 

 


Til baka