Market news
  Issuers
  News categories
  Search
  ICEX Web
  Íslensk útgáfa
    
Issuers > Latest news > News of date > News between dates
Printable version
OR
Orkuveita Reykjavíkur fær lánshæfismat Aa2 frá Moody’s   11.1.2007 11:36:35
News categories: Bonds news      Íslenska
 Orkuveita Reykjavikur Moodys rating.pdf
Orkuveita Reykjavíkur fékk í dag lánshæfiseinkunnina Aa2 hjá alþjóðlega matsfyrirtækinu Moody’s

Orkuveita Reykjavíkur fékk í dag lánshæfiseinkunnina Aa2 hjá alþjóðlega matsfyrirtækinu Moody’s. Lítil eða óveruleg áhætta er í rekstri fyrirtækisins, að mati Moody’s, en bent er á að vægi tekna þess af samkeppnisrekstri muni fara vaxandi. Styrkur Orkuveitunnar sjálfrar og Reykjavíkurborgar sem bakhjarls fyrirtækisins telur Moody’s til helstu kosta Orkuveitunnar og lýsir henni sem alhliða veitufyrirtæki sem einbeiti sér að umhverfisvænni orkuframleiðslu úr jarðhita.

 

„Það er athyglisvert hvað umhverfismál og sterk ímynd Orkuveitunnar í umhverfisvænni orku og umgengni við náttúruna eru farin að skipta miklu máli í mati á öllum þáttum starfseminnar,“  segir Guðmundur Þóroddsson forstjóri Orkuveitu Reykjavíkur. Hann bætir við: „Það er ákaflega mikilvægt og gagnlegt að hafa fengið þessa alþjóðlegu sérfræðinga til að fara í gegnum reksturinn hjá okkur og vitaskuld ánægjulegt að fá þetta góða mat á styrk fyrirtækisins, rekstri þess og áætlunum.“

 

Guðmundur segir ástæðu þess að Orkuveitan réðst í að afla sér alþjóðlegrar lánshæfiseinkunnar vera þá, að framundan séu miklar fjárfestingar hjá fyrirtækinu. Þegar lánsfjár verði aflað til þeirra verkefna skipti miklu máli að geta leitað hagstæðustu kjara sem víðast og lánshæfismatið geri það mögulegt.

 

Sjö aðilar á Íslandi hafa gengist undir alþjóðlegt lánshæfismat, þar á meðal stærstu fjármálafyrirtækin. Orkuveita Reykjavíkur fær bestu einkunn þessara fyrirtækja, ef frá eru skilin þau sem njóta ríkisábyrgðar.

 

Moody’s segir framtíðarhorfur lánshæfis Orkuveitu Reykjavíkur stöðugar.

 

Nánari upplýsingar veitir Guðmundur Þóroddsson, forstjóri, 516 6000.

 

Fréttatilkynning Moody's er í viðhengi.

 


Back