Árshlutareikningur 30.06. 2005

 

Hlutverk Lánasjóðs landbúnaðarins er, skv. lögum um sjóðinn nr. 68/1997, að tryggja landbúnaðinum aðgang að lánsfé til fjárfestinga á hagstæðum kjörum og þannig stuðla að æskilegri þróun landbúnaðarins. 

Þann 10. maí 2005 voru samþykkt á Alþingi lög sem heimila landbúnaðarráðherra að selja allar eignir og semja um yfirtöku skulda Lánasjóðs landbúnaðarins og lögin kveða jafnframt á um að áðurnefnd lög um Lánasjóðinn falli niður þann 31. desember 2005.  Ákveðið hefur verið að útlánasafn sjóðsins og verðbréfaeign verði seld og mun kaupandi taka yfir lántöku sjóðsins.  Söluferlið stendur nú yfir en endanlegt söluverð liggur ekki fyrir.

 

Vaxtatekjur umfram vaxtagjöld voru 77,4 mmkr (43,0 mkr sama tímabil árið 2004).  Vaxtatekjur af kröfum á lánstofnanir námu á tímabilinu 116,2 mmkr (73,5 mkr).  Hreinar vaxtatekjur að meðtöldum tekjum af búnaðargjaldi námu á tímabilinu 144,9 mkr (111,3 mkr). Aðrar rekstrartekjur námu 8,4 mkr (8,2 mkr).  Önnur rekstrargjöld námu á tímabilinu 42,6 mkr (43,9 mkr).  Framlag í afskriftareikning nú lækkaði og nam tekjufærsla vegna afskriftareiknings 10,9 mkr en var árið 2004 gjaldfærsla að upphæð 4,6 mkr.  Eignarskattur var nú enginn en var á sama tíma í fyrra 9,7 millj. kr.  Hagnaður tímabilsins varð því 121,6 mkr en var 61,3 mkr sama tímabil árið 2004.

 

Útlán sjóðsins 30.06. 2005 drógust saman um 7,8% m.v. sama tíma árið 2004, en lántaka um 10,5%.  Eigið fé sjóðsins nam 3.468,8 mkr m.v. 30.06. 2005. eða 23,1% af niðurstöðu efnahagsreiknings.  Eiginfjárhlutfall sjóðsins sem reiknað er skv. 84. gr. laga um fjármálafyrirtæki, CAD-hlutfall, var í lok tímabilsins 23,1%.

 

Árshlutareikningur Lánasjóðs Landbúnaðarins er gerður í samræmi við lög um ársreikninga og reglur um reikningsskil lánastofnana. Ein af megin forsendum reikningsskila er að um áframhaldandi starfsemi sé að ræða en eins og áður er komið fram hefur verið tekin ákvörðun um að sjóðurinn hætti starfsemi og útlán hans verði seld.  Í slíkum tilvikum krefjast reikningsskilareglur þess að mat eigna til sölu í reikningsskilum sé miðað við væntanlegt söluverð þeirra sé þess nokkur kostur.  Stjórn sjóðsins telur hinsvegar ekki viðeigandi að hún færi eignir til áætlaðs gangvirðis þar sem gefa þarf sér ýmsar forsendur við slíkt mat en þær forsendur kunna að vera allt aðrar en væntanlegir kaupendur gefa sér varðandi rekstur á útlánasafni sjóðsins.  Slík framsetning á eignum sjóðsins myndi heldur ekki gefa kröfuhöfum gleggri mynd af þeirra stöðu þar sem endanlegt verð fyrir eignir sjóðsins hefur engin áhrif á greiðslu skuldanna þar sem þær njóta ríkisábyrgðar og munu gera það áfram hver svo sem tekur við eignum og skuldum sjóðsins. 

 

Í áritun endurskoðenda á árshlutareikninginn er tekið undir sjónarmið stjórnarinnar varðandi framsetningu reikningsskilanna en árshlutareikningurinn gæfi glögga mynd af rekstri sjóðsins á tímabilinu og efnahag hans í lok júní 2005 ef ekki lægi fyrir ákvörðun um sölu sjóðsins með þessum hætti.  Hinsvegar er ljóst að vegna fyrirhugaðrar sölu gefur efnahagsreikningur sjóðsins eins og hann birtist í reikningsskilunum ekki glögga mynd af stöðu sjóðsins þann 30. júní 2005 þar sem söluverð eigna kann að verða allt annað en bókfært verð þeirra.  Vegna þeirrar óvissu sem er um gangvirði eignanna láta endurskoðendur sjóðsins ekki í ljós álit á árshlutareikningnum í heild sinni.

 

Rekstrarreikningur 1. janúar til 30. júní 2005
									01.01.-30.06. 2005		01.01.-30.06. 2004
	Vaxtatekjur ........................................								720.720		872.796
	Vaxtagjöld ..........................................								(    643.302 )		(   829.776 )
						Vaxtatekjur - vaxtagjöld			77.418		43.020
	Tekjur af búnaðargjaldi ........................								67.500		68.312
						Hreinar vaxtatekjur			144.918		111.332
	Aðrar rekstrartekjur ............................								8.436		8.218
						Hreinar rekstrartekjur			153.354		119.550
	Önnur rekstrargjöld .............................								(      42.643 )		(     43.919 )
	Framlag í afskriftareikning útlána ..........								10.899		(      4.604 )
						Hagnaður fyrir eignarskatt			121.610		71.027
	Eignarskattur ......................................								0		(      9.702 )
	Óregluleg gjöld ...................................								0		0
Hagnaður ársins .................................									121.610		61.325
Efnahagsreikningur 30. júní 2005
E I G N I R
									30. júní 2005		30. júní 2004
		Sjóður og kröfur á lánastofnanir ..........							2.608.545		2.908.481
		Útlán .................................................							14.487.412		15.693.921
		Aðrar eignir .......................................							44.595		53.714
						Eignir samtals			17.140.552		18.656.116
S K U L D I R   O G   E I G I Р  F É
		Lántaka .............................................							13.633.394		15.240.451
		Aðrar skuldir ......................................							38.380		68.497
		Eigið fé ..............................................							3.468.778		3.347.168
						Skuldir og eigið fé samtals			17.140.552		18.656.116
Yfirlit um sjóðstreymi 1. janúar - 30. júní 2005
									01.01.-30.06. 2005		01.01.-30.06. 2004
		Handbært fé frá rekstri .......................							57.751		15.582
		Fjárfestingarhreyfingar ........................							1.440.973		113.304
		Fjármögnunarhreyfingar ......................							( 1.798.660 )		(   119.187 )
		Hækkun (lækkun) á handbæru fé .........							(    299.936 )		9.699
		Handbært fé í ársbyrjun ......................							2.908.481		1.652.051
		Handbært fé í lok tímabilsins ................							2.608.545		1.661.750