Burðarás hf. hefur keypt kr. 305.938.652 af heildarnafnverði hlutafjár Kers hf. og kr. 446.816 af heildarnafnverði hlutafjár í Eglu hf. Kaupverðið er kr. 10.725.000.000. Þar af eru kr. 725.000.000 greiddar með peningum, en kr. 10.000.000.000 eru hins vegar greiddar með hlutafé í Burðarási eða kr. 609.756.098 af nafnvirði hlutafjár. Þar af verða kr. 224.078.261 greiddar með eigin bréfum Burðaráss en kr. 385.677.837 með útgáfu nýs hlutafjár.  Kaupin eru gerð með fyrirvara um að hluthafafundur í Burðarási samþykki viðskiptin sem og útgáfu nýrra hluta til seljanda.

Meðal eigna Kers eru 100% hlutur í Olíufélaginu hf. og um 66% hlutur í Samskipum hf.  Egla er eigandi að tæplega 11% hlut í Kaupþingi Banka hf.

 

Eigendur Fjárfestingarfélagsins Grettis eru Landsbanki Íslands hf., Tryggingamiðstöðin hf., Sund ehf. og Nordic Partners ehf.

 

Landsbankinn er fruminnherji í Burðarási.

 

Nánari upplýsingar veitir Friðrik Jóhannsson, forstjóri Burðaráss, í síma 578-7800.