Stjórn Nýsis hf samþykkti á stjórnarfundi 11. apríl 2005, ársreikning samstæðunnar fyrir árið 2004.

 

Fastafjármunir nema í árslok 9.711 milljónum kr. og veltufjármunir 285 milljónum kr.  Eignir eru samtals 9.996 milljónir kr. Skuldir og skuldbindingar samstæðunnar nema 7.704 milljónum kr. og eigið fé í árslok er 2.291 milljónir kr. að meðtaldri hlutdeild minnihluta.  Velta samstæðunnar á árinu var 679 milljón kr. og varð hagnaður af starfseminni sem nam samtals 844 milljónum kr.

 

Helstu lykiltölur úr samstæðuársreikningi  2004 eru birtar hér að neðan í þús. króna.:

 

	2004	2003
Rekstrarreikningur	(´000)	(´000)
Rekstrartekjur	678.456	354.421
Matsbreyting fjárfestingaeigna	793.205	0
Rekstrarkostnaður fjárfestingaeigna	(39.771)	(4.704)
Annar rekstrarkostnaður	(333.769)	(130.389)
Rekstrarhagnaður	1.098.120	219.326
Fjármagnsliðir	(70.767)	(100.671)
Hlutdeild í afkomu hlutdeildarfélaga	5.396	(492)
Hagnaður af reglulegri starfsemi fyrir skatta	1.032.749	118.162
Reiknaður tekjuskattur	(188.834)	(18.318)
Hagnaður ársins	843.915	99.845
Skipting hagnaðar:
Hlutdeild minnihluta í afkomu dótturfélaga	103.241	32.236
Hlutdeild hlutahafa Nýsis hf	740.674	67.608
	843.915	99.845
Efnahagsreikningur	31/12 2004	1/1 2004
Eignir:
Fastafjármunir	9.710.548	5.139.734
Veltufjármunir	284.993	155.060
Eignir samtals	9.995.540	5.294.794
Eigð fé og skuldir:
Eigið fé	2.291.378	943.037
Langtímaskuldir	6.982.289	3.171.849
Skammtímaskuldir	721.874	1.179.908
Eigið fé og skuldir samtals	9.995.540	5.294.794
Kennitölur og sjóðsteymi
Eiginfjárhlutfall	22,9%	17,8%
Veltufjárhlutfall	0,39	0,13
Veltufé frá rekstri	91.098	112.744

 

Reksturinn á árinu 2004

 

Ársreikningur Nýsis hf er samstæðureikningur Nýsis hf og dótturfélaga.  Í árslok eru dótturfélögin fimm talsins, Nýsir fasteignir hf, Salus ehf, Sjáland ehf, Faxafen ehf og Artes ehf.  Dótturfélög Nýsis fasteigna eru níu, Grípir ehf, Iði ehf, Nýtak ehf, Engidalur ehf, Þekkur ehf, Hafnarslóð ehf, Stofn fjárfestingafélag ehf, Vorkvöld ehf og Borgarhöllin hf.  Auk þess á Stofn fjárfestingafélag ehf tvö dótturfélög, Laugahús ehf og Laugakaffi ehf og Borgahöllin hf á eitt dótturfélag Egislhöllina ehf.  Eru öll þessi félög innifalin í samstæðureikningum.

 

Í ársbyrjun 2004 tók Heilsumiðstöðin í Laugardal til starfa sem og Heilsugæslan í Salahverfi   Í október s.l. keypti Nýsir hf allt hlutafé Borgarhallarinnar hf sem er eignar- og rekstraraðili íþróttamiðstöðvarinnar Egilshallar í Grafarvogi.  Auk þessa var unnið að ýmsum ráðgjafar-verkefnum fyrir fyrirtæki og opinbera aðila, bæði hérlendis og erlendis.

 

Breytingar á reikningsskilaaðferðum

 

Nýsir hf hefur hafið vinnu við upptöku alþjóðlegra reikningsskilastaðla (IFRS) og hyggst ljúka upptöku þeirra að fullu á árinu 2005.  Mesta breyting á reikningsskilunum samstæðunnar er sú að í samræmi við alþjóðlegan reikningsskilastaðal nr. 40 (IAS) eru fasteignir til útleigu flokkaðar sem fjárfestingaeignir.  Þessar eignir eru samkvæmt því metnar á gangvirði og áhrif þess eru nú færð í reikningsskil félagsins í fyrsta sinn.  Mat á þessum eignum var gert í fyrsta skipti miðað við 1. janúar 2004.  Þar sem ekki lá fyrir samskonar mat á þessum eignum 1. janúar 2003 eru þær metnar á bókfærðu verði eins og það var þá.   Samanburðartölum í ársreikningi hefur verið breytt til samræmis við þessar breytingar.  Innréttingar og áhöld sem tengjast fjárfestingaeignunum eru færðar sem hluti af þeim.  Tekjuskattsskuldbindingu hefur verið breytt til samræmis við nýtt mat eigna.

 

Önnur áhrif af upptöku alþjóðlegu reikningsskilastaðlanna verða óveruleg á reikningsskil samstæðunnar.

 

Framtíðaráform

 

Félagið hefur tekist á hendur aukin verkefni á sviði einkaframkvæmdar, fasteignastjórnunar og rekstrarverktöku. Gengið hefur verið frá samningum við Hafnafjarðarbæ um byggingu og rekstur íþróttahúss við Lækjarskóla og við Garðabæ um byggingu og rekstur leikskóla á Sjálandi, hvoru tveggja í einkaframkvæmd og verður íþróttahúsið tekið í notkun á árinu 2005, auk þess sem starfssemi leiksskólans mun hefjast á árinu.  Gert er ráð fyrir örum vexti í starfsemi Menntaskólans Hraðbrautar,  Heilsugæslunnar í Salahverfi og Heilsumiðstöðvarinnar í Laugardal.  Auk þess eru ýmis áform um ný verkefni bæði innanland og erlendis.  Áætluð velta Nýsis hf og dótturfélaga á árinu 2005 er rúmlega 1.400 milljónir kr.

 

Nánari upplýsingar veitir Jón Arnar Baldurs, fjármálastjóri félagsins í síma 540-6380.