Liðurinn breyting á skammtímaskuldum á að vera 40.854 í stað þess að vera (11.181) eins og var í fyrri útgáfu.

 

Stjórn Nýsis hf samþykkti á stjórnarfundi 3. september 2004, árshlutareikning samstæðunnar fyrir tímabilið 1. janúar til 30. júní 2004.

 

Fastafjármunir nema í júnílok 5.277 milljónum kr. og veltufjármunir 108 milljónum kr.  Eignir eru samtals 5.385 milljónir kr. Skuldir og skuldbindingar samstæðunnar nema 4.437 milljónum kr. og eigið fé í júnílok er 948 milljónir kr. að meðtaldri hlutdeild minnihluta.  Velta samstæðunnar á tímabilinu var 288 milljónir kr. og varð hagnaður af starfseminni sem nam samtals 92 milljónum kr.

 

Helstu lykiltölur úr samstæðuárshlutareikningi 30. júní 2004 eru birtar hér að neðan í þús. króna.:

 

	1/1 - 30/6 04	1/1 - 30/6 03
Rekstrarreikningur	(´000)	(´000)
Rekstrartekjur	288.009	134.437
Rekstrarkostnaður fjárfestingaeigna	(7.991)	0
Annar rekstrarkostnaður	(141.752)	(86.077)
Matsbreyting fjárfestingaeigna	125.702	0
Rekstrarhagnaður	263.968	48.359
Fjármagnsliðir	(162.561)	(28.389)
Hlutdeild í afkomu hlutdeildarfélaga	8.748	0
Hagnaður af reglulegri starfsemi fyrir skatta	110.156	19.970
Reiknaður tekjuskattur	(20.558)	(5.133)
Hlutdeild minnihluta í afkomu dótturfélaga	2.094	(7.328)
Hagnaður ársins	91.692	7.510
Efnahagsreikningur	30/6/2004	1/1 2004
Eignir:
Fastafjármunir	5.276.808	5.049.578
Veltufjármunir	108.638	155.060
Eignir samtals	5.385.446	5.204.638
Skuldir og eigið fé samtals:
Eigið fé	948.703	868.105
Langtímaskuldir	4.176.376	3.156.625
Skammtímaskuldir	260.367	1.179.908
Kennitölur og sjóðsteymi
Eiginfjárhlutfall	17,6%	16,7%
Eiginfjárhlutfall með víkjandi láni	21,4%	21,3%
Veltufjárhlutfall	0,42	0,13
Veltufé frá rekstri	33.104	37.835

 

Reksturinn á tímabilinu

 

Árshlutareikningur Nýsis hf er samstæðureikningur Nýsis hf og dótturfélaga.  Í júnílok eru dótturfélögin átta talsins, Grípir ehf, Iði ehf, Þekkur ehf, Stofn fjárfestingafélag ehf, Nýtak ehf, Salus ehf, Sjáland ehf og Hafnarslóð ehf.  Auk þess á Stofn fjárfestingafélag ehf tvö dótturfélög, Laugahús ehf og Laugakaffi ehf og eru þau einnig innifalin í samstæðureikningum.

 

Um s.l. áramót tók Heilsumiðstöðin í Laugardal til starfa sem og Heilsugæslan í Salahverfi   Í ágúst keypti Nýsir hf allt hlutafé Borgarhallarinnar hf sem er eignar- og rekstraraðili íþróttamiðstöðvarinnar Egilshallar í Grafarvogi.   Auk þessa var unnið að ýmsum ráðgjafarverkefnum fyrir fyrirtæki og opinbera aðila.

 

Breytingar á reikningsskilaaðferðum

 

Nýsir hf hefur hafið vinnu við upptöku alþjóðlegra reikningsskilastaðla (IFRS) og hyggst ljúka upptöku þeirra að fullu fyrir árslok 2004.  Mesta breyting á reikningsskilunum samstæðunnar er sú að í samræmi við alþjóðlegan reikningsskilastaðal nr. 40 (IAS) eru fasteignir til útleigu flokkaðar sem fjárfestingaeignir.  Þessar eignir eru samkvæmt því metnar á gangvirði og áhrif þess eru nú færð í reikningsskil félagsins í fyrsta sinn.  Mat á þessum eignum var gert í fyrsta skipti miðað við 1. janúar 2004.  Þar sem ekki lá fyrir samskonar mat á þessum eignum 1. janúar 2003 eru þær metnar á bókfærðu verði eins og það var þá.   Samanburðartölum í efnahagsreikningi hefur verið breytt til samræmis við þessar breytingar, en samanburðartölur í rekstrarreikningi og sjóðstreymi eru eins og þær voru í árshlutareikningi 30. júní 2003.  Innréttingar og áhöld sem tengjast fjárfestingaeignunum eru færðar sem hluti af þeim.  Tekjuskattsskuldbindingu hefur verið breytt til samræmis við nýtt mat eigna.

 

Önnur áhrif af upptöku alþjóðlegu reikningsskilastaðlanna verða óveruleg á reikningsskil samstæðunnar.                                         

 

Framtíðaráform

 

Félagið hefur tekist á hendur aukin verkefni á sviði einkaframkvæmdar, fasteignastjórnunar og rekstrarverktöku. Gengið hefur verið frá samningum við Hafnafjarðarbæ um byggingu og rekstur íþróttahúss við Lækjarskóla og við Garðabæ um byggingu og rekstur leikskóla á Sjálandi, hvoru tveggja í einkaframkvæmd og verða þessar byggingar teknar í notkun á árinu 2005.  Gert er ráð fyrir örum vexti í starfsemi Menntaskólans Hraðbrautar,  Heilsugæslunnar í Salahverfi og Heilsumiðstöðvarinnar í Laugardal.  Auk þess eru ýmis áform um ný verkefni bæði innanland og erlendis.  Áætluð velta Nýsis hf og dótturfélaga á árinu 2004 er rúmlega 600 milljónir kr.

 

Nánari upplýsingar veita Sigfús Jónsson, framkvæmdastjóri félagains í síma 540-6380 eða Stefán Þórarinsson í síma 899-7801.