Rekstur

 

Tap Sparisjóðs Vestfirðinga fyrstu sex mánuði ársins 2003 nam 55,9 millj. kr., samanborið við 2,5 millj. kr. hagnað á sama tímabili árið 2002.

 

 Samkvæmt árshlutauppgjöri námu vaxtatekjur alls 311,1 millj. kr. Vaxtagjöld námu alls 173,1 millj. kr. Hreinar vaxtatekjur Sparisjóðsins námu því 138,0 millj. kr. en þær voru 134,7millj. kr. á fyrir sama tímabil á síðasta ári. Aðrar rekstrartekjur námu 77,3 millj. .kr. og aukast um 9,3 millj. kr. frá því árið áður. Hreinar rekstrartekjur námu 215,3 millj. kr., en þær námu 202,7 millj. kr. á sama tímabili árið áður.

 

Rekstrargjöld sparisjóðsins námu 158,0 millj. kr. á tímabilinu en námu 140,1 millj. kr. á sama tíma árið 2002.

 

Framlag í afskriftarreikning útlána nam 125,5 millj. kr., en var 60,0 m.kr. á sama tímabili árið 2002 og hækkar því um 65.5 millj. kr. á milli tímabila. Framlagið í afskriftareikning útlána skýrir fyrst og fremst það tap sem á rekstri sjóðsins á tímabilinu.

 

Efnahagur

 

Útlán sparisjóðsins námu 5.543,6 millj. kr. og aukast um 127,8 millj. kr. frá áramótum eða um 2,4%. Markaðsverðbréf og eignarhlutir í félögum námu 465,6 millj. kr. og lækka um 110,3 millj. kr., vegna sölu veltuverðbréfa. Allar eignir sparisjóðsins í skráðum verðbréfum er færðar á markaðsgengi.

 

Eigið fé

Eigið fé Sparisjóðs Vestfirðinga 30. júní 2003 nam 574,2 millj. kr. og víkjandi lán námu 151,9 millj. kr. eða

samtals 726,1 millj. kr. Eiginfjárhlutfall samkvæmt CAD-reglum er 10,3% en það var 9,9% um síðustu áramót.

 

Annað

 

Rekstrarumhverfið fyrstu sex mánuði ársins hefur verið sparisjóðnum erfitt. Framlag í afskriftareikning

sjóðsins á fyrri árshelmingi ársins er mun meira en gert hafði verið ráð fyrir, en áætlun sjóðsins gerir ráð fyrir

að framlag í afskriftareikning útlána á öllu árinu 2003 yrði um 120,0 millj. kr. Gert er ráð fyrir að framlag í

afskriftareikning útlána verði mun minna á seinni hluta ársins og að hagnaður verði af rekstri sjóðsins á því

tímabili þó svo ekki náist að fullu að vinna upp tap fyrri árshelmings.

 

Þrátt fyrir tap og tímabundna erfiðleika í rekstri sjóðsins er eiginfjárstaða hans góð. Sjóðurinn er með 726,1

millj. kr. eigin fé og víkjandi lán og er eiginfjárhlutfall hans er 10,3%, en lágmarks krafan er 8,0%

eiginfjárhlutfall.

 

Sparisjóður Vestfirðinga

 

Nánari upplýsingar veitir Angantýr V Jónasson sparisjóðsstjóri, sími 4508100.